बिर्तामोड / झापा र मोरङको छुट्टाछुट्टै स्थानबाट प्रहरीले ब्राउन सुगर सहित ३ जनालाई पक्राउ गरेको छ । बिहीबार बेलुका लागूऔषध नियन्त्रण ब्युरो विराटनगरबाट खटिएको प्रहरी टोलीले बिराटनगर-१५ स्थितमा चेक जाँचको क्रममा को ३५ प २२६६ नम्बरको मोटरसाइकल चालक इटहरी-४ सुनसरीका २२ वर्षीय विशाल भुजेललाई १ ग्राम ४८ मिली ग्राम ब्राउन सुगर सहित पक्राउ गरेको हो ।
यस्तै लागूऔषधको कारोबार भइरहेको भन्ने सूचनाको आधारमा लागूऔषध ब्युरो काँकरभिट्टा र इलाका प्रहरी कार्यलय अनारमनिबाट खटिएको प्रहरी टोलीले बिर्तामोड -४ बस्ने ३८ वर्षीया सुगन्दा अन्सारी र उनको १७ वर्षीय छोरा अर्मान अन्सारीलाई घर भित्र प्लास्टिकमा प्याकिङ गरिरहेको अवस्थामा १ ग्राम ब्राउन सुगर सहित नियन्त्रणमा लिएको हो । ब्राउन सुगर सहित पक्राउ परेका तीनै जनाको थप अनुसन्धान भइरहेको प्रहरीले जनाएको छ ।
