मोरङ / मोरङको बुढीगंगाबाट चोरीमा संलग्न रहेका तीन जनालाई चोरी गरेको समान सहित प्रहरीले पक्राउ गरेको छ ।
गत भदौ १४ गते स्थानीय किशोर चौधरीको घरमा चोरी भएको भन्ने सूचना पाएसंगै जिल्ला प्रहरी कार्यालय मोरङबाट खटिएको प्रहरी टोलीले चोरी भएको समान सहित २८ गते बिहान उनीहरूलाई पक्राउ गरेको हो ।
पक्राउ पर्नेहरूमा बुढीगंगा गाउँपालिका –६ का २७ वर्षीय बुच्चे भनिने श्याम कुमार उराव, २६ वर्षीय तुलसी उराव र नबिन उराव रहेका छन् ।
उनीहरूको साथबाट प्रहरीले चोरी भएका बिभिन्न किसिमका सुनका गरगहना बरामद गरेको छ ।
