मोरङ / मोरङको बुढीगंगा गाउँपालिका –३ स्थित कोशी लोकमार्गमा सवारी दुर्घटना हुँदा १ जनाको मृत्यु भएको छ । मृत्यु हुनेमा खेदीखोला गाउँपालिका –१ स्याङ्जाका ७० बर्षीय पदम बहादुर बस्नेत रहेका छन् ।
मंगलबार साँझ ७ बजे प्रदेश १–०२–००२च ४६९८ नम्बरको पिकअप भ्यानले बाटो क्रस गर्दै गरेका पैदल यात्री बस्नेतलाई ठक्कर दिँदा उनी घाईते भएका थिए ।
घाइते बस्नेतको विराट मेडिकल कलेज गंगाचोकमा उपचारको क्रममा मृत्यु भएको जिल्ला प्रहरी कार्यालय मोरङले जनाएको छ । दुर्घटनामा संलग्न भेन र चालक विराटनगर –५ का २४ वर्षीय सन्तोष गुप्तालाई जिल्ला प्रहरी कार्यालय मोरङले नियन्त्रणमा लिई थप अनुसन्धान गरिरहेको छ ।
