बिर्तामोड / मेचीनगर नगरपालिका -६ स्थित सडकबाट अवैध लागूऔषध खैरो हिरोइन जस्तो देखिने लेसाइलो पदार्थ १ ग्राम सहित २ जना पक्राउ परेका छन् ।
सुनसरी धरान उपमहानगरपालिका -१६ बस्ने ३७ वर्षीय युशुफ सुब्बा लगायत २ जनालाई शनिबार दिउँसो प्रहरीले पक्राउ गरेको छ । इलाका प्रहरी कार्यालय काँकरभिट्टा र लागूऔषध नियन्त्रण ब्युरो काँकरभिट्टाबाट खटिएको संयुक्त प्रहरी टोलीले भारतबाट नेपालतर्फ आउँदै गरेका उनीहरूलाई जाँच गर्ने क्रममा उक्त पदार्थ सहित फेला पारी पक्राउ गरेको हो । पक्राउ परेका उनीहरूको सम्बन्धमा थप अनुसन्धान भइरहेको प्रहरीले जनाएको छ ।
