झापा / चर्चित हास्य कलाकार कुमार कट्टेल ‘जिग्री’ पनि प्रतिनिधिसभा सदस्य निर्वाचनमा सहभागी हुने भएका छन् ।
कलाकार कट्टेलले आगामी ४ मङ्सिरमा हुन लागेको प्रदेश तथा प्रतिनिधिसभा निर्वाचनमा झापा क्षेत्र नं -५ बाट प्रतिनिधिसभा सदस्यका लागि उम्मेदवारी दिने तयारी गरेका हुन् ।
उनले स्वतन्त्रबाट उम्मेदवारी दिन लागेका बताइएको छ । उनको उम्मेदवारीका लागि तयार पारिएको ब्यानर अहिले सामाजिक सञ्जालमा भाइरल भइरहेको छ ।
प्रतिनिधिसभा सदस्यमा उम्मेदवारी दिनेबारे छलफल भइरहेको तर निष्कर्षमा भने पुग नसकेको कलाकार कट्टेलले बताए ।
‘मैले उम्मेदवारी दिने सोच बनाएको हो । त्यसअनुसार साथीहरूसँग छलफलमा पनि छु’ कट्टेलले भने, ‘छलफल जारी रहँदा नै साथीहरूले ब्यानर बनाएर सामाजिक सञ्जालमा भाइरल गरेछन् ।’
आफू उम्मेदवार बन्ने र नबन्ने निर्णय नभए पनि बन्न सक्ने सम्भावना धेरै रहेको उनले सुनाए ।
उनले उम्मेवदार बने झापा क्षेत्र नम्बर ५ बाट उठ्ने इच्छा रहेको बताए । झापा क्षेत्र नम्बर ५ एमाले अध्यक्ष केपी शर्मा ओलीको निर्वाचन क्षेत्र हो ।
