बिर्तामोड / मोरङको सुन्दरहरैचा नगरपालिका -४ स्थित राजमार्गमा सवारी दुर्घटना हुँदा १ जनाको मृत्यु भएको छ । मृत्यु हुनेमा सुन्दरहरैचा -४ का २९ बर्षीय कुमार राई रहेका छन् ।
आज दिउँसो सवा १ बजे प्रदेश १- ०२- ००१ ख ८३३२ नम्बरको ट्रिपरले विपरित दिशाबाट आँउदै गरेको को ३८ प ५९५० नम्बरको मोटरसाइकललाई ठक्कर दिदा घाईते भएका मोटरसाईकल चालक राईलाई उपचारको लागि धरान घोपा लगिएकोमा अस्पताल पुर्याउना साथ डाक्टरले मृत घोषणा गरेको हो ।
ठक्कर दिने ट्रिपर र चालक इटहरी -१ का राज कुमार चौधरीलाई प्रहरीले नियन्त्रणमा लिई थप अनुसन्धान गरिरहेको छ ।
