विराटनगर / नेपाल पत्रकार महासंघ मोरङ शाखाले नेपाल पत्रकार महासङ्घका पूर्व अध्यक्ष विष्णु निष्ठुरी र सञ्चार क्लब उर्लाबारीका संस्थापक अध्यक्ष दुर्गाप्रसाद खतिवडालाई पुरस्कृत गर्ने भएको छ ।
महासङ्घका पूर्व अध्यक्ष निष्ठुरीलाई कोषराज रेग्मी स्मृति राष्ट्रिय पत्रकारिता पुरस्कार २०७८ प्रदान गर्ने निर्णय भएको अध्यक्ष संजीव खनालले बताए । पुरस्कारको राशि २५ हजार रहेको छ ।
यसअघि सो पुरस्कार नेपाल पत्रकार महासङ्घका पूर्व अध्यक्ष हरिहर विरहीलाई प्रदान गरिएको थियो । त्यसैगरी खिलेश्वरी स्मृति पत्रकारिता पुरस्कार २०७९ सञ्चार क्लव उर्लाबारीका संस्थापक अध्यक्ष दुर्गाप्रसाद खतिवडालाई प्रदान गर्ने निर्णय गरिएको छ ।
पुरस्कारको राशी ११ हजार रुपैयाँ रहेको छ । सो पुरस्कार यसअघि नेपाल पत्रकार महासङ्घका पूर्व केन्द्रीय पार्षद कमल पौडेललाई प्रदान गरिएको थियो ।
दुवै पुरस्कार मोतिराम जयन्तीका अवसरमा भदौ ११ गते प्रदेश नम्बर १ का सभामुख प्रदीपकुमार भण्डारीको प्रमुख आतिथ्यमामा समर्पण गर्ने निर्णय गरिएको महासङ्घद्वारा बुधबार सचिव नेत्र पी अधिकारीले जारी गरेको विज्ञप्तिमा उल्लेख छ ।
