सप्तरी / सप्तरीको बलान विहुल गाउँपालिका –४ स्थित बेल्हीमा मंगलबार अपरान्ह स्थानीय र सुरक्षाकर्मीबीच झडप भएको छ ।
सप्तरीका प्रहरी प्रवक्ता माधवप्रसाद काफ्लेका अनुसार तस्करी गरेर ल्याइएको समान बरामद गर्ने क्रममा स्थानीय र प्रहरीबीच झडप भएको हो ।
प्रहरीले ३ राउन्ड गोली समेत चलाएको छ। स्थितिलाई नियन्त्रणमा लिन तीन राउण्ड हवाई फायर गरेको प्रवक्ता काफ्लेले बताए । घर खानतलासी गर्न पुगेका प्रहरीलाई अवरोध पुर्याएपछि विवाद सुरु भएको बताइएको छ ।
विवाद बढ्दै जाँदा प्रहरी र स्थानीयबीच दोहोरो झडप भएको थियो। झडपमा परेर केही प्रहरी र स्थानीय घाइते भएका प्रहरी प्रवक्ता काफ्लेले जानकारी दिए
