झापा / उदयपुरको कटारी नगरपालिका- ८ कुरिभञ्याङमा आज बिहान ट्रिपर दुर्घटना हुँदा २ जनाको मृत्यु भएको छ । मृत्यु हुनेमा कटारी नगरपालिका- ८ का ४५ बर्षीय नर बहादुर मगर र ४० वर्षीय मिर्चिङ कान्छा मगर रहेका छन् ।
कटारीबाट घुर्मीतर्फ सिमेन्ट बोकेर जादै गरेको बा ४ ख ५६७१ नम्बरको ट्रिपर आफै अनियन्त्रित भई सडकबाट करिव ५० मिटर तल खसेर दुर्घटना हुँदा ट्रिपरमा सवार दुईजनाको घटनास्थलमा नै मृत्यु भएको तथा घटना सम्बन्धमा अनुसन्धान भइरहेको इलाका प्रहरी कार्यालय कटारीले जनाएको छ ।
