बिर्तामोड / नेपाल प्रहरी श्रीमती संघको ३८ औ वार्षिक उत्सवको अवसरमा रक्तदान कार्यक्रम सम्पन्न भएको छ । १ नम्बर प्रदेश प्रहरी श्रीमती संघको आयोजनामा भएको रक्तदान कार्यक्रममा ४८ जना प्रहरी कर्मचारीहरूले रक्तदान गरेका थिए ।
१ नम्बर प्रदेश प्रहरी कार्यालय विराटनगरको हाता भित्र सम्पन्न भएको रक्तदान कार्यक्रममा प्रदेश प्रहरी प्रमुख प्रहरी नायब महानिरीक्षक सुदीप गिरीले दातालाई ब्लड ब्याग हस्तान्तरण गरि कार्यक्रमको समुद्घाटन गरेका हुन् ।
नेपाल प्रहरी श्रीमती संघले विगत देखि नै सामाजिक क्षेत्रमा विविध कार्यहरू गर्दै आइरहेको सन्दर्भमा आफ्नो ३८ औ वार्षिकोत्सवको अवसरमा रक्तदान कार्यक्रमको आयोजना गरेको हो । रक्तदान जीवन दान भन्ने बाक्याशंलाई आत्मसाथ गर्दै कार्यक्रमको आयोजना गरिएको हो । कार्यक्रममा रेडक्रस सोसाइटी मोरङको प्राविधिक सहयोग रहेको थियो ।
