बिर्तामोड / झापाको मेचीनगर नगरपालिका- ६ पूर्व पश्चिम राजमार्ग स्थित ट्राफिक पोष्ट छेउमा बसको ठक्करबाट पैदल यात्रीको मृत्यु भएको छ । मृत्यु हुनेमा स्थानीय ४० बर्षीय चेतनाथ फुँयाल रहेका छन् । आज बिहान पौने १० बजे पूर्वबाट पश्चिम तर्फ जादै गरेको बाग्मती प्रदेश ३- ००१ ख १६०२ नम्बरको यात्रु बाहक बसले ठक्कर दिँदा बाटो क्रस गर्दै गरेका फुँयाल घाईते भएका थिए ।
तत्काल उपचारको लागि बि एण्ड सि अस्पताल बिर्तामोड ल्याइएकोमा उपचारको क्रममा मृत्यु भएको प्रहरीले जनाएको छ । बस र चालकलाई इलाका प्रहरी कार्यालय काँकडभिट्टाले नियन्त्रणमा लिएर घटना सम्बन्धमा थप अनुसन्धान भइरहेको छ ।
