झापा / बिहीबार बिहान दमौलीमा माइक्रोबस दुर्घटना हुँदा चालकसहित १४ यात्रु घाइते भएका छन् । दमौलीबाट पोखरातर्फ जाँदै गरेको बा ४ ख ९९९९ नम्बरको माइक्रोबस पृथ्वी राजमार्गमा दुर्घटना भएको हो ।
माइक्रोबस अनियन्त्रित भएर सम्धी खोलाको पुलमा ठोक्किएको थियो ।घाइतेहरूलाई स्थानीय रत्नहरि अस्पतालमा पुर्याइएकोमा गम्भीर पाँच जनालाई मणिपाल अस्पताल पोखरा रिफर गरिएको छ ।घटनाबारे थप अनुसन्धान भइरहेको जिल्ला प्रहरी कार्यालय तनहुँका प्रहरी नायब उपरीक्षक युवराज खड्काले जानकारी दिए ।
