बिर्तामोड / मोरङको रतुवामाई नगरपालिका- ४ पैयामारी स्थितबाट प्रतिबन्धित लागूऔषध सहित २ जनालाई प्रहरीले पक्राउ गरेको छ । पक्राउ पर्नेमा मोरङ रतुवामाई नगरपालिका- ७ बस्ने १९ वर्षीय राहुल कुमार शर्मा र मोरङ उर्लाबारी नगरपालिका- ७ बस्ने २२ वर्षीय युगल लिम्बू रहेका छन् ।
सोमबार बेलुका ८ बजे प्रहरी चौकी झुर्कीयाबाट खटिएको प्रहरी टोलीले सोही स्थानमा दक्षिणबाट उत्तर तर्फ साइकलमा सवार रहेका उनीहरूलाई चेकजाँच गर्ने क्रममा निषेधित लागूऔषध नाईट्राभेट १६५ ट्याब्लेट र ट्रामाडोल २४५ पत्ता बरामद गरेको हो । साइकल सहित प्रहरी नियन्त्रणमा रहेका उनीहरूमाथि इलाका प्रहरी कार्यालय सिजुवाबाट थप अनुसन्धान भइरहेको छ ।
