बिर्तामोड / मोरङको जहदा गाउँपालिका- ३ ठुलो हातिबन्दा स्थितबाट प्रहरीले ठुलो परिणाममा लागूऔषध गाँजा बरामद गरेको छ ।
विशेष सूचनाको आधारमा शनिवार बेलुका साढे ६ बजे इलाका प्रहरी कार्यालय रानीबाट खटिएको प्रहरी टोलीले स्थानीय ४० वर्षीय भुसाराम राजवंशीको घर पछाडि रहेको कटेरोमा प्लाष्टिकमा प्याक गरी बोरामा हाली लुकाई छिपाई राखिएको ३८ किलो गाँजा बरामद गरेको हो ।
राजवंशीको घरबाट गाँजा बरामद भएता पनि राजवंशी फेला नपरेको तथा उनको खोजतलास भइरहेको इलाका प्रहरी कार्यालय रानीले जनाएको छ ।
