धनकुटा / धनकुटाको साँगुरीगढी गाँउपालिका –६ स्थित फेदीबाट प्रहरीले गाँजासहित दुई जनालाई पक्राउ गरेको छ । पक्राउ पर्नेमा शहिदभुमि गाउँपालिका –७ बस्ने २६ वर्षीय प्रदिप राई र सोही स्थानका अर्का एक जना बालक रहेका छन् ।
गुठ्ठीटारबाट भेडेटार तर्फ जाँदै गरेको को ३९ प ६५६७ नम्बरको मोटरसाइकलमा सवार उनिहरुलाई मंगलबार दिउँसो १२ बजे प्रहरी चौकी मुलघाटबाट खटिएको प्रहरी टोलीले चेकजाँचको क्रममा पक्राउ गरेको हो ।
उनीहरूको साथबाट प्रहरीले पाँच किलो गाँजा बरामद गरेको छ ।
