बिर्तामोड / झापाको बुद्धशान्ति गाउँपालिकामा सूर्योदय साप्ताहिक नामक पत्रिकाको गरिएको छ । हप्ताको प्रत्येक सोमबार प्रकाशन हुनेगरि पत्रिकाको विमोचन पत्रिकाका प्रकाशक ज्ञानु भट्टराईले जानकारी दिएका छन् ।
प्रकाशक ज्ञानु भट्टराईको सभापतित्वमा भएको कार्यक्रममा पत्रकार महासंघ झापाका अध्यक्ष एकराज गिरिको प्रमुख आतिथ्यता रहेको थियो । प्रेस क्लब बुद्धशान्तिका अध्यक्ष आयुष निरौलाको विशिष्ट आतिथ्यता सम्पन्न कार्यक्रममा दिपेश भट्टराईले शाब्दिक स्वागत गरेका हुन् ।
कार्यक्रममा बोल्दै प्रमुख अतिथि गिरीले निष्पक्ष पत्रकारिता आजको आवश्यकता रहेको भन्दै पत्रिकालाई दिगो र निरन्तरताको शुभकामना दिएका छन् । पत्रकार महासंघ झापाको तर्फबाट यस पत्रिकाका लागि चाहिने आवश्यक सहयोग गर्ने प्रतिबद्धता व्यक्त गर्दै उनले शुभकामना दिएका थिए ।
बुद्धशान्तिको होटल दीघार्यूमा गरिएको कार्यक्रमको सञ्चालन प्रेस क्लब बुद्धशान्तिका सचिव रोशन भट्टराईले गरेका थिए ।
