बिर्तामोड / झापाको मेचीनगर नगरपालिका - ६ काँकडभिट्टा स्थित पुरानो मेचीपुलबाट ब्राउन सुगर सहित २ जना भारतीय नागरिक पक्राउ गरिएको छ । पक्राउ पर्नेमा भारत इष्ट सिक्किम बस्ने ३० वर्षीय मेगबिर लिम्बू र उनकै भाइ २३ वर्षीय बुद्धबिर लिम्बू रहेका छन् ।
बिहीबार पुर्वान्ह साढे ४ बजे इलाका प्रहरी कार्यालय काँकडभिट्टा र लागूऔषध नियन्त्रण ब्युरो काँकडभिट्टाबाट खटिएको प्रहरी टोलीले उनीहरूलाई लागूऔषध ब्राउन सुगर ७ ग्राम सहित पक्राउ गरिएको हो । पक्राउ परेका उनीहरुको इलाका प्रहरी कार्यालय काँकडभिट्टाबाट थप अनुसन्धान भइरहेको छ ।
