बिर्तामोड / मोरङको बेलबारी नगरपालिका- ८ पूर्व पश्चिम राजमार्गमा भएको सवारी दुर्घटनामा परी १ जनाको मृत्यु भएको छ । मृत्यु हुनेमा दमक- ४ का १४ वर्षीय राजु बराइली रहेका छन् ।
आज बिहान ७ बजे पूर्वबाट पश्चिम तर्फ जाँदै गरेको बा ११ च २४५८ नम्बरको कार सडकमा रोकेर राखेको को १ ख ८००४ नम्बरको ट्रकमा अचानक ठोक्किँदा कार चालक बेलबारी - १ का २२ वर्षीय सन्दिप लामिछाने र कारमा सवार दमक- ४ का १४ वर्षीय बराइली घाईते भएका थिए ।
घाईते दुबै जनालाई उपचारको लागी बेलबारी अस्पताल पठाइएको र बराइलीलाई थप उपचारको लागी नोबेल अस्पताल विराटनगर पठाएकोमा उपचारको क्रममा बराइलीको मृत्यु भएको इलाका प्रहरी कार्यालय बेलबारीले जनाएको छ । घटना सम्बन्धमा थप अनुसन्धान भइरहेको प्रहरीले जनाएको छ ।
