काठमाडौँ / राष्ट्रिय परीक्षा बोर्डले आज माध्यमिक शिक्षा परीक्षा कक्षा १० (एसइई) को नतिजा प्रकाशन गर्ने तयारी गरेको छ ।
मंगलबार बसेको परीक्षा बोर्डको बैठकले प्राविधिक विषयवस्तुहरूमा टुंगो लगाई नतिजा प्रकाशनको अन्तिम काम पुरा गरेको बोर्ड अध्यक्ष महाश्रम शर्माले जानकारी दिए । शर्माका अनुसार आज बोर्डको बैठक बसेर एसइईको नतिजा प्रकाशन गर्ने तयारी भइरहेको छ । राष्ट्रिय परीक्षा बोर्डका अनुसार वैशाख ८ गतेदेखि सञ्चालन गरिएको एसइई परीक्षामा देशभरिबाट ४ लाख ९४ हजार ६ सय ८१ विद्यार्थीले परीक्षा दिएका छन् ।
