झापा / सङ्खुवासभा र मोरङमा सवारी दुर्घटना हुँदा २ जनाको मृत्यु भएको छ । हिजो दिउँसो सवा ११ बजे सङ्खुवासभाको खाँदबारी नगरपालिका- ९ स्थितमा बा २० च ९५०२ नम्बरको स्कारपियोले पैदल यात्री षडानन्द नगरपालिका- ५ भोजपुरकी भूमिका बिष्टको ३ वर्षीया छोरी मनिषा बिष्टलाई ठक्कर दिँदा घाईते भई उपचारको लागि स्थानीय मनकामना अस्पताल लगिएकोमा उपचारको क्रममा मृत्यु भएको थियो ।
यसै गरी मोरङको सुन्दरहरैचा नगरपालिका- १० स्थित राजमार्गमा मे १ ख ३२३० नम्बरको बसले को ३७ प १४३५ नम्बरको मोटरसाइकललाई ठक्कर दिँदा घाईते भएका मोटरसाइकल चालक इटहरी उपमहानगर पालिका- २० तरहरा सुनसरीका २६ बर्षीय रोयल राईलाई उपचारको लागि कोशी अस्पताल विराटनगर पुर्याउनासाथ मृत्यु भएको हो । ठक्कर दिने दुवै सवारी र चालकहरुलाई प्रहरीले नियन्त्रणमा लिई थप अनुसन्धान गरिरहेको छ ।
