काठमाडौं / पछिल्लो २४ घण्टामा देशभरमा थप ४ सय ५६ जनामा कोरोना भाइरस सङ्क्रमण पुष्टि भएको छ । ३ हजार ८ सय ३८ जनाको नमूना परीक्षण गरिएकोमा ४ सय ५६ जनामा सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
२ हजार १ सय ६८ जनाको पीसीआर र १ हजार ६ सय ७० जनाको एन्टीजेन विधिबाट परीक्षण गरिएको थियो । शुक्रबार ८० जना संक्रमित संक्रमणमुक्त भएका छन् भने देशभर २ हजार ८ सय ४१ जना सक्रिय संक्रमित रहेका छन् । त्यस्तै, २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।
