- रेवतीराज घिमिरे
भद्रपुर / झापाको भद्रपुरमा नेपाली कांग्रेसका नेता तथा प्रथम जननिर्वाचित प्रधानमन्त्री विश्वेश्वरप्रसाद कोइरालाको ४१ औं स्मृति दिवस मनाइएको छ ।
नेपाली कांग्रेस भद्रपुर नगर समितिले भद्रपुर नगरपालिका –१० स्थित धनुषमोडमा रहेको कोइरालाको मालिकमा माल्यार्पण गरी ४१ औँ स्मृति दिवस मनाएको हो ।
कार्यक्रमको उद्घाटन गर्दै नेपाली कांग्रेसका नेता एवम् पूर्व महामन्त्री कृष्ण प्रसाद सिटौलाले वीपीले प्रतिपादन गरेको समाजवादको सिद्धान्तकै कारण मुलुकले गणतन्त्र स्थापना गर्न सफल भएको बताएका छन् ।
उनले वर्तमान सरकारले सबै नेपालीलाई नागरिकता दिलाउने उद्देश्यले नागरिकता विधेयक फिर्ता लिएर नयाँ विधेयक ल्याउन लागेको भन्दै नयाँ विधेयक पारित भए पश्चात सबै नेपालीले सहजै नागरिकता प्राप्त गर्ने समेत बताए । उक्त विधेयक पारित नभए मुलुकमा अर्कै समस्या निम्तिने उनको भनाइ छ ।
कार्यक्रममा प्रदेश मन्त्री ओमप्रकाश सरावगी लगायतका पार्टी महाधिवेशन प्रतिनिधिहरू, महासमिति प्रतिनिधि लगायत जिल्लाका नेता तथा कार्यकर्ताहरूको उपस्थित रहेको थियो ।
