मोरङ / मोरङको पथरी शनिश्चरे नगरपालिका –२ स्थित भित्री सडक खण्डमा सवारी दुर्घटना हुँदा १ जनाको मृत्यु भएको छ ।
मंगलबार दिउँसो सवा ३ बजे प्रदेश १–२–००३ ह ५३८ नम्बरको सिटी सफारीले बाटो काट्दै गरेकी स्थानीय आन्न राईकी ४ बर्षीया छोरी सिहाङ राईलाई ठक्कर दिएको थियो ।
सफारीको ठक्करबाट घाईते भएकी राईको विराट नर्सिङ अस्पताल विराटनगरमा उपचारको क्रममा मृत्यु भएको जिल्ला प्रहरी कार्यालय मोरङले जनाएको छ ।
ठक्कर दिने सिटी सफारी र चालक ४८ वर्षीय मन बहादुर तामाङलाई इलाका प्रहरी कार्यालय पथरीले नियन्त्रणमा लिई दुर्घटना सम्बन्धमा थप अनुसन्धान गरिरहेको छ ।
