काठमाडौं / काठमाडौं महानगरपालिका- ६ गणतन्त्र चोक डेरा गरी बस्ने खोटाङ चिसापानी घर भएकी ३४ वर्षीया संगीता राईको कोठामा जुवातास खेलिरहेको अवस्थामा राई समेत ६ जनालाई सोमबार दिउँसो प्रहरीले पक्राउ गरेको छ ।
उनको कोठामा जुवातास खेलिरहेको भन्ने खबर प्राप्त हुनासाथ प्रहरी प्रभाग कपनबाट खटिएको प्रहरीले उनीहरूलाई नगद ३६ हजार ४५ रुपैयाँ र एक बुक तास सहित फेला पारी पक्राउ गरेको हो । घटना बारेमा प्रहरीले थप अनुसन्धान गरिरहेको जनाएको छ ।
