बिर्तामोड / सुनसरीको इनरुवा नगरपालिका- ४ बसचोकमा सोमवार बेलुका ट्रकको ठक्करबाट मोटरसाइकल चालकको मृत्यु भएको छ ।
मृत्यु हुनेमा मोटरसाइकल चालक इनरुवा नगरपालिका- ३ का २७ वर्षीय श्याम सुन्दर यादव रहेका छन् ।
पूर्व पश्चिम राजमार्गमा पूर्वबाट पश्चिम तर्फ जाँदै गरेको ग १ क ८४५ नम्बरको ट्रकले विपरीत दिशाबाट आउँदै गरेको को १० प ३३६१ नम्बरको मोटरसाइकललाई ठक्कर दिँदा घाईते भएका यादवलाई उपचारको लागी जिल्ला अस्पताल पठाएकोमा उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ । घटना सम्बन्धमा थप अनुसन्धान भइरहेको प्रहरीले जनाएको छ ।
