काठमाडौं / ठमेल पर्यटन विकास परिषदको अध्यक्षमा भविश्वर शर्मा निर्वाचित भएका छन् ।
नेकपा एमालेका उम्मेदवार ध्रुव अधिकारीलाई २०५ मतान्तरले पराजित गर्दै ठमेल पर्यटन विकास परिषदको अध्यक्षमा शर्मा निर्वाचित भएका हुन् ।
शर्मा सत्ता गठबन्धनको तर्फबाट उम्मेदवार बनेका थिए । शर्माले ७ सय ७२ मत ल्याए भने उनका प्रतिद्वन्दी अधिकारीले ५ सय ६८ मत प्राप्त गरेका छन् । उनीसँग पराजित ध्रुव दिनेश अधिकारी चरीका दाइ हुन् ।
त्यस्तै उपाध्यक्षमा गीता गुरुङ र सहदेव धमला निर्वाचित भएका छन् भने महासचिवमा राजिव पाण्डे निर्वाचित भएका छन् । शनिबार राजधानीको लैनचौरमा मतदान भएको थियो ।
