झापा / भरतपुर महानगरपालिका- १० स्याउली बजारमा कारले भ्यानलाई ठक्कर दिँदा घाइते भएका एक पुरुषको मृत्यु भएको छ । शनिबार भरतपुर विमानस्थलबाट बाइपास रोडतर्फ जाँदै गरेको बा १३ च २३७६ नम्बरको कारले टेलिकम चोकबाट हाकिमचोकतर्फ जाँदै गरेको प्रदेश ३–०१–०२२ च ७५५४ नम्बरको भ्यानलाई ठक्कर दिएको थियो ।
ठक्करबाट गम्भिर घाइते भएका भ्यान चालक नवलपरासी जिल्ला प्रतापपुर गाउँपालिका–७ बस्ने २४ वर्षीय अमरेश कुमार कुशवाहाको भरतपुर अस्पतालमा उपचारका क्रममा शनिबार मृत्यु भएको चितवन प्रहरीका प्रवक्ता रविन विष्टले जानकारी दिए । भ्यानलाई ठक्कर दिने कार चालक सुरज सेढाई प्रहरीको नियन्त्रणमा छन् ।कारले भ्यानलाई ठक्कर दिएपछि भ्यानले पार्किङ गरिराखेको ना ६३ प ११०९ नम्बरको स्कुटरलाई छोएको थियो । तीन वटै गाडीलाई जिल्ला प्रहरी कार्यालय चितवनको परिसरमा लगेर राखिएको छ ।
