बिर्तामोड / झापाको बुद्धशान्ति गाउँपालिका वड नम्बर –१ स्थित बुधबारे चोकमा सवारी दुर्घटना भएको छ ।
चारआलीबाट इलामतर्फ जाँदै गरेको मे१ज ३१८९ नम्बरको बोलेरो र बुधबारेबाट चारआली तर्फ आउँदै गरेको प्र१–१०–०१५ प ३४०३ नम्बरको मोटरसाइकल एक आपसमा ठोक्किँदा दुर्घटना भएको हो ।
दुर्घटनामा परी मोटरसाइकल चालक र उनको पछाडि सवार गम्भिर घाइते भएका छन् । उनीहरूको बिर्तामोड स्थित बी एन्ड सी अस्पतालमा उपचार भइरहको इलाका प्रहरी कार्यालय बुधबारेका प्रहरी प्रमुख अशोक कोइरालाले जानकारी दिए ।
कोइरालाका अनुसार बुलेरो चालक इलाम नगरपालिका –५ का ३२ वर्षीय सूर्य अधिकारीलाई नियन्त्रणमा लिएर थप अनुसन्धान भइरहेको छ ।
केही दिन अघि मात्रै बुद्धशान्ति –४ मा पिकअप गाडीको ठक्करबाट अटो चालक बुद्धशान्ति गाउँपालिका –७ का ४१ वर्षीय भानु खड्काको मृत्यु भएको थियो ।
