बिर्तामोड / झापाको बुद्धशान्तिमा पिकअप गाडीको ठक्करबाट अटो चालकको मृत्यु भएको छ । मृत्यु हुनेमा बुद्धशान्ति गाउँपालिका- ७ निवासी ४१ वर्षीय अटो चालक भानु खड्का रहेको प्रहरीले जनाएको छ ।
सोमबार दिउँसो २ : ३० बजे मेची राजमार्ग अन्तरगत बुद्धशान्ति- ४ मा इलामबाट झापा तर्फ आइरहेको गरेको को २ च २०६३ नम्बरको पिकअप गाडीले सोही दिशा तर्फ आँउदै गरेको मे १ ह ४६४४ नम्बरको अटोलाई पछाडिबाट ठक्कर दिँदा अटोमा सवार अन्य २ जना घाइते भएका छन् । दुर्घटनामा घाइते हुनेमा स्थानीय १८ वर्षीया बिना सेन्चुरी र वडा नम्बर ४ निवासी ३२ वर्षीया इन्दिरा राई रहेको झापाका प्रहरी नायब उपरीक्षक (डीएसपी ) वसन्त पाठकले जानकारी दिए ।
घाइते तीनै जनालाई उपचारका लागि बिएण्डसी अस्पताल बिर्तामोड ल्याइए पनि चालक खड्काको उपचारको क्रममा मृत्यु हो । प्रहरीले पिकअप र चालक इलाम जिल्ला सूर्योदय नगरपालिका- १० निवासी ५१ वर्षीय दिलीप कुमार प्रधानलाई पक्राउ गरि घटना सम्बन्धमा थप अनुसन्धान गरिरहेको जनाएको छ ।
