काठमाडौँ / भक्तपुर सूर्यविनायक नगरपालिका- ८ सूर्यविनायक बस्ने ३० वर्षीय निर बिकार प्रजापतिलाई १ हजार दरका १३ थान जाली नेपाली नोट सहित आइतबार दिउँसो प्रहरीले पक्राउ गरेको छ ।
सूर्यविनायक नगरपालिका- ८ सूर्यविनायक स्थित खाजा पसलमा निर बिकार प्रजापतिको साथमा जाली नोट छ भन्ने सूचनाको आधारमा प्रहरी प्रभाग दरबारस्क्वायरबाट खटिएको प्रहरीले जाँच गर्ने क्रममा उनलाई उक्त जाली नोट सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
