झापा / भक्तपुरमा १६ वर्षीया किशोरीलाई बलात्कार गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा चाँगुनारायण नगरपालिका- ९ ताथली बस्ने २७ वर्षीय टिका राज कटुवाल रहेका छन् ।
ती किशोरीलाई सूर्यविनायक नगरपालिका- १० चित्तापोलस्थित एक रिसोर्टमा कुटवालले बलात्कार गरेको भन्ने खबर प्राप्त हुनासाथ प्रहरी वृत्त जगातीबाट खटिएको प्रहरीले उनलाई आइतबार बिहान पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ
