बिर्तामोड / सुनसरीको कोशी गाउँपालिका- ४ स्थित भित्री सडक खण्डमा ट्रयाक्टरको ठक्करबाट १ जनाको मृत्यु भएको छ भने १ घाईते भएका छन ।
आइतबार दिउँसो पौने ४ बजे को २ त २१५८ नम्बरको ट्रयाक्टरले विपरित दिशाबाट आँउदै गरेको को.२८ प ९३९९ नम्बरको मोटरसाइकललाई ठक्कर दिँदा मोटरसाइकलमा सवार रहेकी देवानगन्ज गाउँपालिका- ४ कि ५५ वर्षीया जयमुन खातुनको घटनास्थलमै मृत्यु भएको हो ।
मोटरसाइकल चालक मृतककै छोरा २५ वर्षीय जुमरात मिया घाईते भएकोमा जिल्ला अस्पताल इनरुवामा उपचार भइरहेको छ भने ठक्कर दिने सवारी साधन र चालक ४६ वर्षीय शुभका मोचीलाई जिल्ला प्रहरी कार्यालय सुनसरीले नियन्त्रणमा लिई थप अनुसन्धान गरिरहेको छ ।
