झापा / बुटवलको गोलपार्क स्थित पूर्वी पाल्पाली गाल्धाली होटेलमा असार २४ गते राति एक पुरुषसँगै बास बसेकी सदीक्षा गुरुङ मृत फेला परेकी छन् । २१ वर्षीय सदीक्षा कोठामा झुण्डिएको अवस्थामा मृत फेला परेकी हुन् । मृतक गुरुङ बुटवल वडा नंम्बर २ की बासिन्दा भएको प्रहरीले जनाएको छ । होटेलको कोठा नं. १०५ मा बस्न सदीक्षा नै आएर रुम बुक गरेकी थिइन् ।
मृतकका आफन्तहरूले शव पोस्टमार्टमका लागि लुम्बिनी प्रादेशिक अस्पताल पुर्याएका छन् ।सदीक्षा सँगै बसेका युवक घटनापश्चात फरार रहेका थिए । उनलाई पक्राउ गरि थप अनुसन्धान भइरहेको प्रहरीले जनाएको छ । प्रहरीले युवकको परिचय भने खुलाएको छैन ।
