झापा / पाँचथरमा आफ्नै श्रीमतीलाई कुटपिट गरी हत्या गरेको आरोपमा श्रीमान् पक्राउ परेका छन् । ३५ वर्षीया श्रीमती निला राईलाई कुटपिट गरी हत्या गरेको आरोपमा फिदिम नगरपालिका- १४ बुर्दुम बस्ने ४० वर्षीय राज कुमार राईलाई प्रहरीले पक्राउ गरेको हो ।
राज कुमारले घरायसी वादविवादको क्रममा असार १७ गते कुटपिट गर्दा गम्भीर घाइते भएकी निलाको विर्तासिटी अस्पताल बिर्तामोडमा उपचारको क्रममा शुक्रबार मृत्यु भएको भन्ने खबर प्राप्त हुनासाथ अस्थायी प्रहरी चौकी तमाखे रानिटारबाट खटिएको प्रहरीले उनलाई शुक्रबार राति पक्राउ गरेको हो । घटना सम्बन्धमा प्रहरीले थप अनुसन्धान गरिरहेको प्रहरीले जनाएको छ ।
