बिर्तामोड / झापाको मेचीनगर नगरपालिका -६ मेचिपुलबाट लागूऔषध ब्राउनसुगर सहित २२ वर्षीया युवती पक्राउ परेकी छिन् । पक्राउ पर्नेमा मेचीनगर नगरपालिका ७ नयाँ बसपार्क बस्ने २२ वर्षीया रोजिना आले खड्का रहेको प्रहरीले जनाएको छ ।
हिजो बेलुका साढे ७ बजे लागूऔषध नियन्त्रण ब्युरो काँकडभिट्टा र इलाका प्रहरी कार्यालय काँकडभिट्टाबाट खटिएको प्रहरी टोलीले चेकजाँच गर्ने क्रममा भारतबाट नेपाल तर्फ आँउदै गरेकी खड्कालाई लागूऔषध ब्राउनसुगर २ ग्राम सहित प्रहरीले पक्राउ गरेको हो । पक्राउ परेकी खड्काको इलाका प्रहरी कार्यालय काँकडभिट्टाबाट थप अनुसन्धान भइरहेको प्रहरीले छ ।
