बिर्तामोड / झापाको मेचीनगर नगरपालिका- १० खयरडाँगी स्थितबाट लागूऔषध ब्राउनसुगर सहित १ जनालाई प्रहरीले पक्राउ गरेको छ ।
पक्राउ पर्नेमा स्थानीय २३ वर्षीय नोसाद मोहमद रहेको प्रहरीले जनाएको छ । शुक्रबार बिहान (आज) ११ बजे इलाका प्रहरी कार्यालय धुलाबारीबाट खटिएको प्रहरी टोलीले चेकजाँचको क्रममा मोहमदको साथबाट १ ग्राम ५०० मिलिग्राम लागूऔषध ब्राउनसुगर बरामद गरेको थियो ।
पक्राउ परेका नोसादमाथि इलाका प्रहरी कार्यालय धुलाबारीबाट थप अनुसन्धान भइरहेको प्रहरीले जनाएको छ ।
