बिर्तामोड / मोरङको कानेपोखरी गाउँपालिका- ७ स्थित लेटाङ कानेपोखरी सडक खण्डमा सवारी दुर्घटनाबाट १ जनाको मृत्यु भएको छ । मृत्यु हुनेमा मोटरसाइकल चालक सुनबर्सी नगरपालिका- १ का ३३ वर्षीय रोशन श्रेष्ठ रहेको प्रहरीले जनाएको छ ।
बिहीबार दिउसो साढे २ बजे प्रदेश १-०२-०४२ प २७६९ नम्बरको मोटरसाइकल आफै अनियन्त्रित भई दुर्घटना भएको हो । उक्त मृतक लासलाई पोस्टमार्टमको लागि मङ्गलबारे अस्पताल उर्लाबारी पठाइएको र घटना सम्बन्धमा थप अनुसन्धान भइरहेको इलाका प्रहरी कार्यालय पथरीले जनाएको छ ।
