बिर्तामोड / विराटनगर बसपार्कमा आज बिहान एक पुरुषको मृत अवस्थामा फेला परेको छ । बसपार्कको प्रतीक्षालयमा राखिएको बेन्चमा मृत फेला परेका अन्दाजी ५०-५५ वर्षीय पुरुषको पहिचान नखुलेको प्रहरीले बताएको छ । उनी बुधबार बेलुका साढे ८ बजेतिर बसपार्कको प्रतीक्षालयमा बसिरहेका थिए ।
शव रहेको स्थानदेखि केही पर विषको बट्टा पनि रहेको प्रहरीले बताएको छ । जिल्ला प्रहरी कार्यालय मोरङका प्रहरी नायब उपरीक्षक दीपक श्रेष्ठले शव भेटिएपछि प्रहरीले अनुसन्धान सुरु गरेको बताए । मृतकको पहिचान खुलाउने प्रयास भइरहेको उनले जानकारी दिए ।
