बिर्तामोड / झापाको बुद्धशान्ति गाउँपालिकामा एक दिवसीय खोज पत्रकारिता र क्षमता अभिवृद्धि तालिम सोमबार सम्पन्न भएको छ । तालिम बुद्धशान्ति गाउपालिका -३ को चखेवा होटेलमा सम्पन्न भएको हो ।
बुद्धशान्तिमा पत्रकार उत्पादन गर्न सक्रिय पत्रकारहरुको क्षमता अभिवृद्धिका लागी तालिमको आयोजना गरिएको प्रेस क्लब बुद्धशान्ति अध्यक्ष आयुष निरौलाले बताए ।
कार्यक्रमका प्रमुख अतिथि तथा पत्रकार महासंघ झापाका अध्यक्ष एक राज गिरिले तालिमको सहजीकरण गरेका थिए । यस्तै झापाका अग्रज पत्रकार उमाकान्त खनालले पनि तालिमको सहजीकरण गर्दै खोज पत्रकारिताको महत्वका बारेमा चर्चा गरेका थिए ।
तालिममा २५ बढी मानिसको सहभागिता रहेको थियो । तालिमपश्चात सहभागी सबैलाई प्रमाणपत्र वितरण गरिएको कार्यक्रम सञ्चालक रोशन भट्टराईले जानकारी दिएका छन् । प्रेस क्लब बुद्धशान्तिकै आयोजनामा आइतबार बुद्धशान्ति गाउँपालिका - ५ मा आधारभुत पत्रकारिता तथा उद्घोषण तालिम सम्पन्न भएको छ ।
