मोरङ / मोरङको रङ्गेलीबाट श्रीमतीको हत्या गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा रंगेली नगरपालिका –१ बिर्ताबजारका तिलका मल्लिक रहेका छन् ।
श्रीमतीलाई आगो लगाई फरार भएका मल्लिकलाई इलाका प्रहरी कार्यालय रङ्गेलीबाट खटिएको प्रहरी टोलीले पक्राउ गरेको हो ।
शुक्रबार राती ८ बजे मल्लिकले घरायसी विवादका कारण ३१ वर्षीया श्रीमती बबिता मल्लिकको शरीरमा मट्टीतेल छर्की आगो लगाएर फरार भएका थिए ।
शरीर जलेर गम्भिर घाईते भएकी बबिताको कोशी अस्पताल विराटनगरमा उपचारको क्रममा शनिबार बिहान मृत्यु भएको छ ।
