बिर्तामोड / मोरङको रंगेली नगरपालिका- १ बिर्ताबजारस्थित तिलका मल्लिकको घरमा आगलागी हुँदा एक महिलाको मृत्यु भएको छ । मृत्यु हुनेमा तिलकाकी श्रीमती ३१ वर्षीया बबिता मल्लिक रहेको प्रहरीले जनाएको छ । शुक्रबार राती १० बजे टिनको घरमा आगलागी हुँदा घाइते बबिताको उपचारका क्रममा कोशी अस्पताल विराटनगरमा शनिबार बिहान ६ बजे मृत्यु भएको हो ।
घटनास्थलमै बोल्न नसक्ने अवस्थामा रहेकी घाईतेलाई इलाका प्रहरी कार्यालय सखरदिनाका प्रहरी टोलिको सहयोगमा कोशी अस्पतालमा उपचारका लागि पठाइएको थियो ।उपचारका क्रममा बबिताको शनिबार बिहान ६ बजे मृत्यु भएको मोरङ प्रहरीका प्रवक्ता दिपक श्रेष्ठले जानकारी दिएका छन् । आगलागीबाट टिनको छाना भएको घर जलेर पूर्ण क्षति भएको छ । प्रहरीले आगलागीको कारण बारे अनुसन्धान गरिरहेको प्रहरीले जनाएको छ ।
