बिर्तामोड / सुनसरीको इटहरी उपमहानगरपालिका -१२ चौकी मोड स्थित कोशी लोकमार्गमा मोटरसाइकलको ठक्करबाट साईकल यात्रीको मृत्यु भएको छ ।  मृत्यु हुनेमा भारत बिहार घर भई हाल इटहरी उपमहानगरपालिका -१२ स्थित रिलायन्समा काम गर्ने ५० वर्षीय लालु प्रसाद विश्वास रहेका छन् ।

शुक्रबार बेलुका पौने ५ बजे उत्तरबाट दक्षिण तर्फ जाँदै गरेको बागमती प्रदेश -०२- ०३१ प ०६११ नम्बरको मोटरसाइकलले बाटो क्रस गर्दै गरेको साइकललाई ठक्कर दिई दुर्घट्ना हुँदा गम्भिर घाइते भएका साइकल यात्री विश्वासको विराट टिचिङ अस्पतालमा उपचारको क्रममा राती साढे ८ बजे मृत्यु भएको थियो । 

मोटरसाइकल चालक काठमाडौँ नागार्जुन नगरपालिका - ८ बस्ने २६ वर्षीय सुभास तामाङ र पछाडि सवार सङ्खुवासभा सभापोखरी गाउपालिका -६  बस्ने २५ वर्षीया शिखा लिम्बू समेत घाईते भई खनार स्थित सामुदायिक अस्पतालमा उपचार भइरहेको छ ।  मोटरसाइकल प्रहरी चौकी खनारको नियन्त्रणमा रहेको र घटना बारे थप अनुसन्धान भइरहेको प्रहरीले जनाएको छ । 

OM Sai Pathibhara Hospital