झापा / बर्दियामा निगुरो टिप्न भारतीय जङ्गल पुगेका एक नेपालीमाथि गोली प्रहार भएको छ । बर्दियासँग जोडिएको भारतीय सिमाना मुर्तीहाको घना जङ्गलमा निहुरो टिप्न गएका एक नेपाली माथि गोली प्रहार भएको हो । बिहीबार बेलुकी निहुरो टिप्न गएका गुलरिया नगरपालिका- ३ का ५४ वर्षीय हेमराज गोडिया माथि गोली प्रहार भएको प्रहरीले जनाएको छ ।
गोली लागेर भाग्दै घर नजिक पुगेका घाइते गोडिया केहीबेर पछि बेहोस भएका थिए । उनी होसमा आएपछि घरमा फोन गरी आफन्तीलाई बोलाएका थिए । राति नै उनलाई एम्बुलेन्समा उपचारका लागि गुलरिया अस्पताल ल्याइएको थियो । अत्याधिक रगत बगेका कारण उनको मृत्यु भएको प्रहरी उपरीक्षक वीरेन्द्र बहादुर शाहीले बताए । उनलाई कसले गोली हानेको हो अनुसन्धान भइरहेको उनले जनाए ।
