उदयपुर / उदयपुरको त्रियुगा नगरपालिका –३ स्थित ऊर्जा पेट्रोल पम्पको काउन्टरबाट साढे ५ लाख रुपैयाँ चोरी गरेको आरोपमा प्रहरीले दुई जनालाई पक्राउ गरेको छ ।
पक्राउ पर्नेमा स्थानीय ३० वर्षीय रोहित कार्की र २५ वर्षीय मनिष सिलवाल रहेका छन् ।
काउन्टरको ताला फुटाएर नगद ५ लाख ६१ हजार चोरेर भागेका उनीहरूलाई आज (बुधबार) बिहान फक्राउ गरेको हो । उनीहरूको साथबाट नगद ५० हजार ७ सय रुपैयाँ बरामद भएको प्रहरीले जनाएको छ ।
