दमक / झापाको दमकबाट ब्राउन सुगर सहित प्रहरीले तीन जनालाई पक्राउ गरेको छ ।
पक्राउ पर्नेमा दमक नगरपालिका –५ स्थित गोर्खाली टोलका २६ वर्षीय प्रकाश राई, २६ वर्षीय प्रवेश राई र ३० वर्षीय भानुभक्त सुन्दास रहेका छन् ।
सोमबार बेलुका ६ बजे प्रकाश राईको घरमा ब्राउन सुगरको कारोबार भइरहेको सूचनाको आधारमा इलाका प्रहरी कार्यालय दमकबाट प्रहरी टोलीले उनीहरूलाई पक्राउ गरेको हो ।
उनीहरूको साथबाट प्रहरीले डिजिटल तराजु सहित २१ ग्राम ५९० मिलिग्राम ब्राउन सुगर बरामद गरेको छ ।
