झापा / चितवनमा आफ्नै आमाको हत्या गरेको आरोपमा छोरा पक्राउ परेका छन् । माडी नगरपालिका- ६ स्याउलिवास बस्ने ५५ वर्षीय माया देवी तामाङको हत्या गरेको आरोपमा ३७ वर्षीय अर्जुन तामाङलाई सोमबार दिउँसो प्रहरीले पक्राउ गरेको हो ।
घरको मकै बारीमा अर्जुनले धारिलो हतियार प्रहार गर्दा आमाको मृत्यु भएको भन्ने खबर प्राप्त हुनासाथ इलाका प्रहरी कार्यालय माडीबाट खटिएको प्रहरीले उनलाई पक्राउ गरेको हो । घटना सम्बन्धमा प्रहरीले थप अनुसन्धान गरिरहेको छ ।
