झापा / धनुषाबाट सशस्त्र प्रहरी बलले मेड इन यूएसए लेखिएको पेस्तोल र गोलीसहित ३ भारतीय नागरिक पक्राउ गरेको छ ।
पक्राउ पर्नेमा भारतको बिहार राज्य अन्तर्गत मुजफ्फरपुर -७ साहेबगन्ज निवासी २९ वर्षीय राहुल रञ्जन, २० वर्षीय उज्ज्वल कुमार र २६ वर्षीय सञ्जय कुमार रहेका सशस्त्र प्रहरी निरीक्षक दिलेन्द्र खत्रीले जानकारी दिए । जनकपुरधामबाट भारततर्फ जाँदै गरेको बीआर ०६ एपी ३००८ नम्बरको कारमा सवार उनीहरूलाई विदेह नगरपालिका- १ महिनाथपुरबाट हतियारसहित पक्राउ गरेको हो ।
कारको अगाडिपट्टिको बायाँ साइडको सिटमुनि उक्त पेस्तोल राखेको अवस्थामा बरामद भएको उनले बताए ।हतियारसहित पक्राउ परेकाहरूलाई आवश्यक कारवाहीका लागि इलाका प्रहरी कार्यालय खजुरीको पठाइएको सशस्त्र प्रहरीले जनाएको छ ।
