बिर्तामोड / मोरङको सुन्दरहरैचा नगरपालिका- ५ बुढिपुल स्थितबाट लागूऔषध गाँजा सहित ३ जनालाई प्रहरीले पक्राउ गरेको छ ।
पक्राउ पर्नेमा धनकुटा सागुरिगढी गाउँपालिका- ८ का ३० वर्षीय सुरेन्द्र राई , २९ वर्षीय मिलन राई र २९ वर्षीय बाला राई रहेका छन । आइतबार बेलुका ५ बजे जिल्ला प्रहरी कार्यालय मोरङ र अस्थाई प्रहरी पोष्ट बलियाबाट खटिएको प्रहरी टोलीले शंकास्पद रुपमा बसिरहेका उनीहरूलाई चेकजाँच गर्ने क्रममा जेब्रा झोलामा लुकाई छिपाई राखेको लागूऔषध गाँजा ८ किलोग्राम बरामद गरिए पश्चात उनीहरूलाई नियन्त्रणमा लिई इलाका प्रहरी कार्यालय बेलबारीबाट थप अनुसन्धान भइरहेको प्रहरीले जनाएको छ ।
