बिर्तामोड / इलामको माङसेबुङ गाउपालिका -२ दहगाँउ स्थित भित्री सडक खण्डमा बुलेरो दुर्घटनाबाट ३ जनाको मृत्यु भएको छ ।
मृत्यु हुनेमा पाँचथर मिक्लाजुङ गाउपालिका -५ का ६५ वर्षीय हिम प्रसाद लावती, ६० वर्षीया पदम कुमारी लावती र इलाम माङसेबुङ गाउपालिका -६ का ५० वर्षीय प्रकाश राई रहेका छन् ।
आज दिउसो १२ बजे पाँचथरको रविबाट झापाको दमक तर्फ जादै गरेको मे १ ज ४८७ नं. को बोलेरो गाडी सडकबाट २०० मिटर तल झरी दुर्घटना भएको थियो ।
सो दुर्घटनामा परी हिम प्रसाद र पक्राशको घटनास्थलमै मृत्यु भएको थियो भने पदम कुमारीको उपचारको लागी दमक अस्पताल लादै गर्दा बाटैमा मृत्यु भएको हो । बोलेरो चालक तत्काल फरार रहेकोले खोजतलास तथा घटनाबारे थप अनुसन्धान भइरहेको छ ।
