झापा / गुल्मीमा कक्षा तीनमा अध्ययन गर्ने छात्रालाई यौन दुर्व्यवहार गरेको आरोपमा शिक्षक पक्राउ परेका छन् । पक्राउ पर्नेमा रुरुक्षेत्र गाउँपालिका- ३ को प्रतिभा आधारभुत माध्यमिक विद्यालयमा अध्यापन गराउने शिक्षक रामहरी ज्ञवाली रहेको प्रहरीले जनाएको छ ।
आरोपीले ति नाबालिकालाई जेठ १७ गते दिउँसो स्कुल समयमा अस्वभाविक यौनजन्य कार्य गरेको भनी परिवारले दिएको उजुरीका आधारमा बिहीबार पक्राउ गरिएको हो । पक्राउ परेका उनीमाथि थप अनुसन्धान भइरहेको जिल्ला प्रहरी कार्यालय गुल्मीले जनाएको छ ।
